ఆంధ్రభారతి - తాళ్లపాక అన్నమాచార్య కీర్తనలు - ఇచ్చినవాఁడు హరి పుచ్చుకొన్నవాఁడ నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 196-2
సంపుటము: 2-493

తాళ్లపాక అన్నమాచార్య

రాగము: సాళంగనాట

ఇచ్చినవాఁడు హరి పుచ్చుకొన్నవాఁడ నేను చెచ్చెరఁ దగవు లింకఁ జెప్పఁ గదరో	॥పల్లవి॥
నిలిచినది జగము నిండినది భోగము కలిగె జీవుల కొక్కకాణాచి వలయశాసనాలు వడి నాల్గు వేదములు చలపట్టి జాణలు చదువుకోరో	॥ఇచ్చి॥
పారినవి మనసులు పట్టినది జననము పోరు దీరెఁ గర్మముల పొలమేర కోరికలె సాక్షులు గుట్టలు త్రిగుణములు వూరుఁ బేరుఁ దెలుసుక వొడఁబడరో	॥ఇచ్చి॥
దక్కినది ధర్మము తప్పనిది భాగ్యము లెక్కించ నుదుటివ్రాలె లిఖితములు యిక్కువ శ్రీవేంకటేశుఁ డిన్నిటికి మూలము చిక్కులు వాపె నితని సేవించరో	॥ఇచ్చి॥