ఆంధ్రభారతి - తాళ్లపాక అన్నమాచార్య కీర్తనలు - హరి నారాయణ కృష్ణ అదివో మావిన్నపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 198-6
సంపుటము: 2-507

తాళ్లపాక అన్నమాచార్య

రాగము: పాడి

హరి నారాయణ కృష్ణ అదివో మావిన్నపము తరవాతి మాట నీవే తలఁచుకోవయ్యా	॥పల్లవి॥
నడిఁబడ్డ తలఁపు చక్కఁగాక వుండినాను వొడయఁడవు నీకృప వొగిఁ జక్కనే గుడిగొన్న యేరెంత కొంకరవంకరలైనా పుడమికి లోఁగొనకపోవునటవయ్యా	॥హరి॥
కాయకపు నాభక్తి కడుఁ గొంచమైనాను ఆయపు నీవరములు అతిఘనమే యేయెడ గుడి గొంచమయిన గుడిలో దేవుని- కాయెడ మహిమ ఘనమందురు గదవయ్యా	॥హరి॥
శ్రీవేంకటేశ నిన్ను జింతించక నే నుండినా జీవాంతరాత్ముఁడవై చేకొంటి నీవే ఆవటించి కీలుబొమ్మ అచేతనమై యుండినా ఆవేళ సూత్రధారుఁ డాడించుఁ గదవయ్యా	॥హరి॥