ఆంధ్రభారతి - తాళ్లపాక అన్నమాచార్య కీర్తనలు - ఇదె వీఁడె కంటిమమ్మ యేతులవాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 199-1
సంపుటము: 2-508

తాళ్లపాక అన్నమాచార్య

రాగము: నాట

ఇదె వీఁడె కంటిమమ్మ యేతులవాఁడు కదలే సూర్యచంద్రుల కన్నులవాఁడు	॥పల్లవి॥
సెలవి నవ్వులవాఁడు చేకత్తిగోళ్లవాఁడు పలుపేగుల జంధ్యాల పంతాలవాఁడు యెలమిఁ జెలిఁదొడపై నిడుకొన్నట్టివాఁడు చెలఁగిన ఘననారసింహుఁడటే వీఁడు	॥ఇదె॥
కొండగద్దెమీఁదివాఁడు గొప్పకిరీటమువాఁడు దిండుపైఁడిచీరకాశ(సె?) తెక్కులవాఁడు రెండురూపులొకటైన రీతుల మాయలవాఁడు అండఁ బ్రహ్లాదవరదుఁ డాతఁడటే వీఁడు	॥ఇదె॥
భవనాసి పొంతవాఁడు భావించఁ దెల్లనివాఁడు ఇవల శ్రీవేంకటాద్రి నిరవైనాఁడు జవళిపంతాలవాఁడు శంఖుచక్రములవాఁడు తివిరిన‌ అహోబలదేవుఁడటే వీఁడు	॥ఇదె॥