ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడొకో నేఁ దెలిసి యెక్కుడయి బ్రదికేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 205-6
సంపుటము: 3-30

తాళ్లపాక అన్నమాచార్య

రాగము: దేవగాంధారి

ఎన్నఁడొకో నేఁ దెలిసి యెక్కుడయి బ్రదికేది పన్నిన నా గుణమెల్లా భ్రమత పాలాయ	॥పల్లవి॥
ధనమద మిదె నన్ను దైవము నెఱగనీదు తనుమద మెంతయిన తపముఁ జేయనీదు ఘనసంసారమదము కలుషముఁ బాయనీదు మనెడి నా మనువెల్ల మదము పాలాయ	॥ఎన్నఁ॥
పొంచి కామాంధకారము పుణ్యము గానఁగనీదు కంచపు జన్మపుచిక్కు గతి చూపదు పెంచి యజ్ఞానతమము పెద్దల నెరఁగనీదు చించరాని నా బుద్ధి చీఁకటి పాలాయ	॥ఎన్నఁ॥
శ్రీవేంకటేశ్వరు మాయ చిత్తముఁ దేరనీదు యేవంకా నీతఁడే గతి యిన్నిటా మాకు యే వుపాయమును లేక యీతని మఱఁగు చొచ్చి దేవుఁ డంతర్యామియని తేజముఁ బొందితిమి	॥ఎన్నఁ॥