ఆంధ్రభారతి - తాళ్లపాక అన్నమాచార్య కీర్తనలు - అయ్యో నా నేరమికే అట్టే యేమని వగతు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 207-3
సంపుటము: 3-39

తాళ్లపాక అన్నమాచార్య

రాగము: ఆహిరి

అయ్యో నా నేరమికే అట్టే యేమని వగతు ముయ్యంచు చంచలాన మోసపోతిఁ గాక	॥పల్లవి॥
కాననా నావంటివారే కారా యీ జంతువులు నానాయోనులఁ బుట్టి నడచేవారు మానక నా గర్వమున మదాంధమున ముందు గానక భయపడిన కర్మ నింతేకాక	॥అయ్యో॥
చదువనా నేఁ దొల్లి జన్మజన్మాంతరముల ఇది పుణ్య మిది పాప మింతంతని వదలక నా భోగవాంఛలే పెంచిపెంచి తుద కెక్క వెదకని దుష్టుఁడ నేను	॥అయ్యో॥
విననా నేఁ బురాణాల వెనకటివారినెల్ల మనెడి భాగవతుల మహిమ లెల్లా యెనయుచు శ్రీవేంకటేశు కృపచేత నేడు ఘనుఁడ నయితిఁ గాక కష్టుఁడఁ గానా	॥అయ్యో॥