ఆంధ్రభారతి - తాళ్లపాక అన్నమాచార్య కీర్తనలు - తాము స్వతంత్రులు గారు 'దాసోహము' ననలేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 207-4
సంపుటము: 3-40

తాళ్లపాక అన్నమాచార్య

రాగము: సాళంగనాట

తాము స్వతంత్రులు గారు 'దాసోహము' ననలేరు పామరపుదేహులకు పట్టరాదు గర్వము	॥పల్లవి॥
పరగు బ్రహ్మాదులు బ్రహ్మమే తా మనలేరు హరికే మొరవెట్టేరు ఆపదైతేను ధరలో మనుజులింతే తామే దయివమనేరు పొరిఁ దాము చచ్చి పుట్టే పొద్దెరఁగరు	॥తాము॥
పండిన వ్యాసాదులు ప్రపంచము కల్లనరు కొండలుగాఁ బురాణాలఁ గొనియాడేరు అండనే తిరిపెములై అందరి నడిగి తా- ముండుండి లేదనుకొనే రొప్పదన్నా మానరు	॥తాము॥
సనకాది యోగులు శౌరిభక్తి సేసేరు దు- ర్జనులు భక్తి వొల్లరు జ్ఞానులమంటా నినుపయి శ్రీవేంకటేశ నినుఁ జేరి మొక్కుతానే అనిశము నిరాకారమనేరు యీ ద్రోహులు	॥తాము॥