ఆంధ్రభారతి - తాళ్లపాక అన్నమాచార్య కీర్తనలు - ఇతర దేవతల కిది గలదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 208-2
సంపుటము: 3-44

తాళ్లపాక అన్నమాచార్య

రాగము: దేవగాంధారి

ఇతర దేవతల కిది గలదా ప్రతి వేరీ నీ ప్రభావమునకు	॥పల్లవి॥
రతిరాజజనక రవిచంద్రనయన అతిశయ శ్రీవత్సాంకుఁడవు పతగేంద్రగమన పద్మావతీపతి మతి నినుఁ దలఁచిన మనోహరము	॥ఇత॥
ఘనకిరీటధర కనకాంబర పా- వనక్షీరాంబుధివాసుడవు వనజచక్రధర వసుధావల్లభ నినుఁ బేరుకొనిన నిర్మలము	॥ఇత॥
దేవపితామహ త్రివిక్రమ హరి జీవాంతరాత్మక చిన్మయుఁడా శ్రీవేంకటేశ్వర శ్రీకర గుణనిధి నీవార మనుటే నిజసుఖము	॥ఇత॥