ఆంధ్రభారతి - తాళ్లపాక అన్నమాచార్య కీర్తనలు - ఎట్టు వలసినాఁ జేయు మేఁటి విన్నపము లిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 208-3
సంపుటము: 3-45

తాళ్లపాక అన్నమాచార్య

రాగము: మాళవిగౌళ

ఎట్టు వలసినాఁ జేయు మేఁటి విన్నపము లిఁక కట్టుకో పుణ్యమైనాఁ గాక మరేమైనాను	॥పల్లవి॥
నన్ను నెంచి కాచేనంటేనా యవగుణి నేను నిన్ను నెంచి కాచేనంటే నీవు లక్ష్మీపతివి యిన్నిటా నాకంటే హీనుఁడిఁక మరెవ్వఁడూ లేఁడు వున్నతి నీకంటే ఘనులొకరూ లేరు	॥ఎట్టు॥
నిలువెల్లా నెంచుకొంటే నివ్వరిముల్లంత లేను బలువుఁడ నీవైతే బ్రహ్మాండము యెలమి నే నుపకార మెవ్వరికిఁ జేయలేను మెలఁగి నీవే తృణము మేరువు సేయుదువు	॥ఎట్టు॥
భావించ నీ వేలికవు బంటుమాత్రమింతే నేను నీవు సర్వాంతరాత్మవు నే నొకఁడను సావధానమున నేను సర్వభక్షకుఁడ నింతే శ్రీవేంకటేశ నీవు జీవరక్షకుఁడవు	॥ఎట్టు॥