ఆంధ్రభారతి - తాళ్లపాక అన్నమాచార్య కీర్తనలు - ఈమాట విని నిన్ను నిందుకే నవ్వితి నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 210-2
సంపుటము: 3-56

తాళ్లపాక అన్నమాచార్య

రాగము: సాళంగనాట

ఈమాట విని నిన్ను నిందుకే నవ్వితి నేను నేమమెంత నేమెంత నీ కరుణ యెంత	॥పల్లవి॥
సకలకర్మము చేత సాధ్యముగాని నీవు వొక ఇంచుకంత భక్తి కొగి లోనైతి ప్రకటించి బహువేదపఠనఁ జిక్కని నీవు మొకరివై తిరుమంత్రమునకుఁ జిక్కితివి	॥ఈమా॥
కోటిదానములచేత కోరి లోనుగాని నీవు పాటించి శరణంటేనే పట్టి లోనైతి మేటి వుగ్రతపముల మెచ్చి కైకొనని నీవు గాటపుదాసులై తేనే కైకొని మన్నించితి	॥ఈమా॥
పెక్కుతీర్థములాడిన బేధించరాని నీవు చొక్కి నీముద్రవారికి సులభుఁడవు గక్కన దేవతలకుఁ గానరాని నీవు మాకు నిక్కడ శ్రీవేంకటాద్రి నిరవైతివి	॥ఈమా॥