ఆంధ్రభారతి - తాళ్లపాక అన్నమాచార్య కీర్తనలు - బోధింపరే యెరిఁగిన బుధులాల పెద్దలాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 210-4
సంపుటము: 3-58

తాళ్లపాక అన్నమాచార్య

రాగము: బౌళి

బోధింపరే యెరిఁగిన బుధులాల పెద్దలాల శ్రీధరుని మాయలలోఁ జిక్కితిమి నేము	॥పల్లవి॥
దైవమును నొల్లము ధర్మమును నొల్లము దావతి సంసారముతో తగులే కాని భావపు భవబంధాల భయమూ నెరఁగము వేవేలు విధులే కాని వేగిలేచి నేము	॥బోధిం॥
ముందు విచారించము మొదల విచారించము పొందేటి సతులతోడి భోగమేకాని చెందిన మనసులోని చింతలను బాయము మందపు మదమేకాని మాపుదాఁకా నేము	॥బోధిం॥
పరమూఁ దడవము భక్తీఁ దడవము అరిది ధనముమీఁది ఆసలే కాని ఇరవై శ్రీవేంకటేశుఁ డేలుకొనెఁ దానే నన్ను నిరతి నెరఁగనైతి నే నించుకంతాను	॥బోధిం॥