ఆంధ్రభారతి - తాళ్లపాక అన్నమాచార్య కీర్తనలు - మఱి యే పురుషార్థము మా వంక లేదు మీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 210-5
సంపుటము: 3-59

తాళ్లపాక అన్నమాచార్య

రాగము: శ్రీరాగం

మఱి యే పురుషార్థము మా వంక లేదు మీకు అఱువడము మా కెంత అత్తువో నీవు	॥పల్లవి॥
హరి నీవు నాకు నంతర్యామివైన ఫలము తిరిగినందే మా వెంటఁ దిరిగెదవు ఇరవుగ నీవు మాకు నేలికవైన ఫలము గరిమె మా పాపమెల్లఁ గట్టుకొంటివి	॥మఱి॥
భువిలోన నీవు నన్నుఁ బుట్టించిన ఫలము ఇవల రక్షించే తొడుసిదొకటాయ తివిరి నన్ను నీకుక్షిఁ దెచ్చిడుకొన్నఫలము జవళి నా నేరములు చక్కఁబెట్టఁబడెను	॥మఱి॥
గారవాన నన్ను వెనక వేసుకొన్న ఫలము చేరి నన్ను బుణ్యునిఁగాఁ జేయవలసె ఆరసి నాకుఁ బ్రత్యక్షమైన ఫలమున నన్ను యీరీతి శ్రీవేంకటేశ ఇముడుకోఁబడెను	॥మఱి॥