ఆంధ్రభారతి - తాళ్లపాక అన్నమాచార్య కీర్తనలు - చేకొనువారికి చేరువిదే పైకొను జీవుల భాగ్యమిదే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 212-3
సంపుటము: 3-69

తాళ్లపాక అన్నమాచార్య

రాగము: శుద్ధవసంతం

చేకొనువారికి చేరువిదే పైకొను జీవుల భాగ్యమిదే యే కడఁ జూచిన యితరము లేదు	॥పల్లవి॥
తలఁపులోన నంతర్యామిదివో తెలిసి చూచితే ద్రిష్టంబు చలమునఁ దన మతి సందేహించిన కలఁగి మూఁడులోకంబుల లేఁడు	॥చేకొ॥
వెసఁ గను దెఱచిన విశ్వాత్మకుఁడిదె దెసల నింతటా ద్రిష్టంబు పసిగొని తనుఁ బాపములు భ్రమించిన కసరి సృష్టి చీఁకటిపడునపుడే	॥చేకొ॥
చేరి కొలిచితే శ్రీవేంకటపతి సారె బ్రతుకునకు శాసనము పైరగు తనలో భక్తి వదిలితే కూరిమి తెర మఱఁగునకును మఱఁగు	॥చేకొ॥