ఆంధ్రభారతి - తాళ్లపాక అన్నమాచార్య కీర్తనలు - పరుసము సోఁకక పసిఁడౌనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 213-3
సంపుటము: 3-75

తాళ్లపాక అన్నమాచార్య

రాగము: సామంతం

పరుసము సోఁకక పసిఁడౌనా పురుషోత్తముఁడే బుద్ధిచ్చుఁ గాక	॥పల్లవి॥
భువి భోగములకుఁ బుట్టిన దేహము వివరపు మోక్షము వెదకీనా యివల సకలమును యేలేటి దేవుఁడు తవిలి రక్షింపుట ధర్మముఁ గాక	॥పరు॥
బెరసి యాసలనే పెరిగేటి దేహము ధరఁ గొంతయినాఁ దనిసీనా అరుదుగ నంతర్యామగు దేవుఁడు పొరిఁ బెర రేఁచుటే పొందౌఁ గాక	॥పరు॥
ఘనమగు సంసారకారణ జీవుఁడు తన సుజ్ఞానముఁ దలఁచీనా వెనక మునుప శ్రీవేంకటపతియే కనుఁగొని మమ్మిటు కాచుటఁ గాక	॥పరు॥