ఆంధ్రభారతి - తాళ్లపాక అన్నమాచార్య కీర్తనలు - ఉన్నచోటనే మూఁడులోకా లూహించి చూచితే నీవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 213-6
సంపుటము: 3-78

తాళ్లపాక అన్నమాచార్య

రాగము: శంకరాభరణం

ఉన్నచోటనే మూఁడులోకా లూహించి చూచితే నీవే కన్నచోటనే వెదకి కానఁడింతే కాక	॥పల్లవి॥
యెక్కడ వొయ్యెడి జీవుఁ డేది వైకుంఠము యిక్కడ హరి యున్నాఁడు హృదయమందె ముక్కున నూరుపు మోచి ముంచి పుణ్యపాపాల కక్కసానఁ జిక్కి తమ్ముఁ గానఁడింతేకాక	॥ఉన్న॥
యేమి విచారించీ దేహి యెందు దేవుని వెదకీ కామించి యాతఁ డిన్నిటాఁ గలిగుండఁగా దోమటి సంసారపు దొంతికర్మములఁ జిక్కి కాముకుఁడై కిందుమీఁదు గానఁడింతేకాక	॥ఉన్న॥
యే విధులు తాఁ జేసీ యెవ్వరి నాడఁగఁబోయీ శ్రీవేంకటేశ్వరు సేవచేత నుండఁగా భావ మాతఁడుగాను బ్రతికె నిదివో నేఁడు కావరాన నిన్నాళ్లు కానఁడింతేకాక	॥ఉన్న॥