ఆంధ్రభారతి - తాళ్లపాక అన్నమాచార్య కీర్తనలు - కటకటా యేమిటాను కడవర గానఁడిదే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 214-1
సంపుటము: 3-79

తాళ్లపాక అన్నమాచార్య

రాగము: ధన్నాసి

కటకటా యేమిటాను కడవర గానఁడిదే నిటలపు వ్రాఁత యెట్టో నిజము దెలియదు	॥పల్లవి॥
బాదల సంసారము పరవంజుకొని తొల్లి యేది నమ్మి పాటువడె నీ జీవుఁడు గాదెల కొలుచుగాఁగఁ గట్టుకొని కర్మములు యేదెస చొచ్చీనో కాని యీ ప్రాణి	॥కట॥
కాఁపురమై తమ తల్లి కడుపున వచ్చి పుట్టె యే పని గలిగెనో యీ దేహి కాపాడీ నిక్షేపాలు కడునాసతోఁ బాఁతి యే పదవిఁ దానుండునో యీ జంతువు	॥కట॥
దవ్వుల యమబాదలు దలఁచి వెరవఁడిదె యెవ్వరి సలిగెనమ్మో యీ జీవి రవ్వగా శ్రీవేంకటాద్రిరాయఁడు మన్నించఁగాను యివ్వల బతికెఁగాక యెవ్వఁడోయి తాను	॥కట॥