ఆంధ్రభారతి - తాళ్లపాక అన్నమాచార్య కీర్తనలు - ఇన్ని దేహములఁ బుట్టి యేమి గంటిమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 214-6
సంపుటము: 3-84

తాళ్లపాక అన్నమాచార్య

రాగము: దేసాళం

ఇన్ని దేహములఁ బుట్టి యేమి గంటిమి వున్నతపు హరిదాస్య మొక్కటే కాక	॥పల్లవి॥
హీనజంతువైననాఁడు యేనుగై పుట్టిననాఁడు ఆనంద మొక్కటే అంగాలే వేరు యీ నేటి యజ్ఞానము యీ జీవుల కొక్కలాగే జ్ఞానమే యెక్కుడుఁ గాక సరిలేని దొకటే	॥ఇన్ని॥
నరలోకభోగానకు నరకానుభవానకు సరేకాని మిగులదు చనెఁ దొల్లె (?) గరిమ నేర్పడ నందు ఘనమేమి కొంచమేమి హరిదాసుఁడై బ్రదుకుటదియే లాభము	॥ఇన్ని॥
బాలుఁడైన యప్పుడూను పండి ముదిసినప్పుడు కాల మొక్కటే బుద్ధి కడు లేదు ఆలకించి శ్రీవేంకటాధిపతి సేవించి యేలికంటా మొక్కుచుండే దిదియే భాగ్యము	॥ఇన్ని॥