ఆంధ్రభారతి - తాళ్లపాక అన్నమాచార్య కీర్తనలు - ఎంతగాలమునకైనా యీ యర్థమే కలది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 215-2
సంపుటము: 3-86

తాళ్లపాక అన్నమాచార్య

రాగము: దేవగాంధారి

ఎంతగాలమునకైనా యీ యర్థమే కలది యింతటిలోననే హరి నెరఁగఁగవలయు	॥పల్లవి॥
యెంచి నూరేండ్లమీఁద యెప్పుడో మరణము ముంచి యిట్టే మోచీనదె మురికిడొక్క యించుకంత యిందుకుఁ గానేల కోరెమో సుఖము కాంచన మెవ్వరికిఁగా గడియించేమో	॥ఎంత॥
కలిగిన దినములు కాఁపురానకే సెలవు తలఁపెల్ల నాసలకంతటఁ గొలఁది (?) ఫల మిందు నేమిగద్దో ప్రాణి ఇందేమిటివాఁడో తెలిసి పాపఁగలేము తీరని యీ చిక్కు	॥ఎంత॥
సేసిన కర్మము లెల్లా చెప్పరాని మోపులాయ రాసికెక్కి యింద్రియాల పరమాయను వేసరి యిన్నిటికి శ్రీవేంకటేశుఁ గొలిచితి మాసినదే మణుఁగాయ మాకు నేది జన్మము	॥ఎంత॥