ఆంధ్రభారతి - తాళ్లపాక అన్నమాచార్య కీర్తనలు - ఎట్టయినాఁ జేసుకో ఇఁక నీ చిత్తము నన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 217-6
సంపుటము: 3-95

తాళ్లపాక అన్నమాచార్య

రాగము: ఆహిరి

ఎట్టయినాఁ జేసుకో ఇఁక నీ చిత్తము నన్ను పట్టిచ్చె మా గురుఁడు నీ పాదాలు విడువను	॥పల్లవి॥
పోఁడిమి నా నామములు పొద్దువొద్దు నుడిగీని వీఁడేమడుగునోయని వెఱవకుమీ నాఁడే నా యాచార్యుఁడు నాకు నన్నీ యిచ్చినాఁడు నేఁడిదేలంటే నతని నేమము నే మానను	॥ఎట్ట॥
ప్రేమతో వీఁడు నన్నింటఁ బెట్టుక పూజించీని యేమి గారణమోయని యెంచుకోకుమీ కామించి యాచార్యుఁడే కారణము నీకు నాకు యీ మరులేలంటే నాతఁడిచ్చిన సొమ్మే నేను	॥ఎట్ట॥
పలుమారు వీఁడు నాపై బత్తిచేసీ నేఁటికని వెలయ శ్రీవేంకటేశ వేసరకుమీ యెలమి నాచార్యుఁడిదే పని చేసినాఁడు నిలిచెఁ గలకాలము నీకు నాకుఁ బోదు	॥ఎట్ట॥