ఆంధ్రభారతి - తాళ్లపాక అన్నమాచార్య కీర్తనలు - ఇందుకంటే మరి యిఁకలేదు హితోపదేశము వో మనసా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 218-6
సంపుటము: 3-101

తాళ్లపాక అన్నమాచార్య

రాగము: బౌళి

ఇందుకంటే మరి యిఁకలేదు హితోపదేశము వో మనసా అంది సర్వసంపన్నుఁడు దేవుఁడు ఆతని కంటే నేరుతుమా	॥పల్లవి॥
కల దొకఁటే ధర్మము కల్పాంతమునకు నిలిచినది తలఁకక మీ శరణు చొచ్చి మీ దాసుడ ననెడి దొకమాఁట వలవని జోలే యింతాను వడి నిదిఁ గాక యేమిసేసినను సులభ మిందునే తొల్లిటి వారలు చూరలుగొనిరదే మోక్షంబు	॥ఇందు॥
మొదలొకటే యిన్నిటికి ముందర వెనకా వచ్చేది వొదుగుచు గోవిందుని దాసులకు నొక్కమాటే మొక్కినఁ జాలు తుద కెక్కనివే యితరములు దొరకొని మరేమి సేసినను బదికి లిరిందునే పరమవైష్ణవులు పలు చదువులలో వినరాదా	॥ఇందు॥
తగులొకటే విడువరానిది తతి నెన్నటికినిఁ జెడనిది వొగి శ్రీవేంకటపతి నామజపము వొకమాటే అబ్బినఁ జాలు నగుబాటే యింతాను నానాఁటి కేమేమి సేసినను తగు నీ బుద్ధుల నడచిరి మున్నిటి దైవజ్ఞులు పూర్వాచార్యులును	॥ఇందు॥