ఆంధ్రభారతి - తాళ్లపాక అన్నమాచార్య కీర్తనలు - చవులకుఁ జవి సంసారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 219-4
సంపుటము: 3-105

తాళ్లపాక అన్నమాచార్య

రాగము: రామక్రియ

చవులకుఁ జవి సంసారము భవము నానాఁటికి పచ్చిదే	॥పల్లవి॥
దైవికము మా స్వతంత్రముతోఁ గూడె సావివోదెన్నఁడు సంసారము పూవుపిందెవలెఁ బొడమివున్నవి యేవల యీరెండు నేకమే	॥చవు॥
పాపముఁ బుణ్యము పైపైఁ గూడుకొని చాపకింది నీరు సంసారము రేపుమాపు వలె రెట్టించి వున్నవి యేపొద్దు నీ రెండు నేకమే	॥చవు॥
మాయ గొంత నిజమార్గమునుఁ గొంత చాయ దప్ప దిదేసంసారము చేయిచ్చి వున్నాఁడు శ్రీవేంకటేశుఁడు యీయెడ నీరెండు నేకమే	॥చవు॥