ఆంధ్రభారతి - తాళ్లపాక అన్నమాచార్య కీర్తనలు - అన్నిటా నేరుపరి హనుమంతుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 225-1
సంపుటము: 3-138

తాళ్లపాక అన్నమాచార్య

రాగము: రామక్రియ

అన్నిటా నేరుపరి హనుమంతుఁడు పిన్ననాఁడే రవినంటె పెద్దహనుమంతుఁడు	॥పల్లవి॥
ముట్టిన ప్రతాపపు రాముని సేనలలోన అట్టె బిరుదుబంటు శ్రీహనుమంతుఁడు చుట్టి రానుండినయట్టి సుగ్రీవు ప్రధానులలో గట్టియైన లావరి చొక్కపు హనుమంతుఁడు	॥అన్ని॥
వదలక కూడినట్టి వనచర బలములో- నదె యేకాంగవీరుఁడు హనుమంతుఁడు చెదరక కుంభకర్ణు చేతి శూలమందరిలో సదరాన విరిచె భీషణ హనుమంతుఁడు	॥అన్ని॥
త్రిజగముల లోపల దేవతాసంఘములోన అజుని పట్టాన నిల్చె హనుమంతుఁడు విజయనగరాన శ్రీవేంకటేశు సేవకుఁడై భుజబలుఁడై యున్నాఁ డిప్పుడు హనుమంతుఁడు	॥అన్ని॥