ఆంధ్రభారతి - తాళ్లపాక అన్నమాచార్య కీర్తనలు - ఇట్టె జ్ఞానమాత్రమున నెవ్వరైనా ముక్తులే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 237-2
సంపుటము: 3-211

తాళ్లపాక అన్నమాచార్య

రాగము: దేసాక్షి

ఇట్టె జ్ఞానమాత్రమున నెవ్వరైనా ముక్తులే పుట్టుగులు మరి లేవు పొందుదురు మోక్షము	॥పల్లవి॥
అతిసూక్ష్మ మీయాత్మ అందులో హరి యున్నాఁడు కతలే వినుటగాని కానరాదు క్షితి దేహాలు ప్రకృతిఁ జెందిన వికారములు మతి నిది దెలియుటే మహిత సుజ్ఞానము	॥ఇట్టె॥
లోకము శ్రీపతియాజ్ఞలో తత్త్వా లిరువదినాల్గు కైకొని సేఁతలు సేసీఁ గర్తలు లేరు సాకిరింతే జీవుఁడు స్వతంత్రుఁడు దేవుఁడు యీకొలఁది గని సుఖియించుటే సుజ్ఞానము	॥ఇట్టె॥
కాలము దైవము సృష్టి కలి మన్యుల భాగ్యము (?) వాలాయించి యెవ్వరికి వచింపరాదు యీలీలలు శ్రీవేంకటేశునివి ఆచార్యుఁడు తాలిమిఁ జెప్పగా విని తలఁచుటే సుజ్ఞానము	॥ఇట్టె॥