ఆంధ్రభారతి - తాళ్లపాక అన్నమాచార్య కీర్తనలు - ఏమిసేతు నాభాగ్య మిట్లున్నది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 238-1
సంపుటము: 3-216

తాళ్లపాక అన్నమాచార్య

రాగము: కన్నడగౌళ

ఏమిసేతు నాభాగ్య మిట్లున్నది నేమమేమీ నెరఁగను నీవే గతి యిఁకను	॥పల్లవి॥
అగపడి నిరంతర మలవాటైన జగత్తు మొగమునఁ గట్టినట్టు మొగి మరవనీదు తగిలి నిన్నెటువలె ధ్యానము సేతు నేను అగడు సేసి సహాయముగాదు మనసు	॥ఏమి॥
విడువక యెల్లప్పుడూ విడిదలైన దేహము మెడఁ గట్టినట్టున్నది మెలఁగీ నురులదు వొడయఁడ నీవూడిగె మొదిగి నేనెట్టు సేతు అడరి కప్పిన నీ మాయాఁ దోడుగాదు	॥ఏమి॥
వొద్దనే పెక్కుగాలము పూనిన పురాకృతము చద్దిమూఁటై యనుభవించఁగఁ జేసీ మానదు అద్దుక శ్రీవేంకటేశ అంతర్యామివి నీవు వొద్దికతో రక్షించు నావోజాఁ దోడుగాదు	॥ఏమి॥