ఆంధ్రభారతి - తాళ్లపాక అన్నమాచార్య కీర్తనలు - ఏలికె విందరికి యీ దేహభూమి నీది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 238-2
సంపుటము: 3-217

తాళ్లపాక అన్నమాచార్య

రాగము: రామక్రియ

ఏలికె విందరికి యీ దేహభూమి నీది మేలు అన్ని మట్టుపెట్టి మించరాదా జీవుఁడ	॥పల్లవి॥
వెలిఁబడ్డ యింద్రియాల వెలయ లోనికిఁ బిల్చి కొలువులు సేయించుకొనరాదా కలఁచెడి లోలోని కామాదిశత్రువుల బెళకనీకడ్డపెట్టింపించరాదా జీవుఁడ	॥ఏలి॥
అట్టే పరువుదోలిన ఆసలనే గుఱ్ఱముల గట్టిగ లోలాయమునఁ గట్టుకోరాదా వొట్టి యెదుట పౌఁజులై వుండిన భోగములను ముట్టి యంతర్యామికిచ్చి మొక్కరాదా జీవుఁడ	॥ఏలి॥
పంపువెట్టి దండంపిన బలు నీ వుద్యోగాల- గుంప గూర్చి ముక్తి చూరగొనరాదా ఇంపుల శ్రీవేంకటేశుఁడితఁడే సర్వకర్త సొంపుగ భావించి చక్కఁజూడరాదా జీవుఁడ	॥ఏలి॥