ఆంధ్రభారతి - తాళ్లపాక అన్నమాచార్య కీర్తనలు - నీవారైనవారికి నీపై భక్తేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 238-4
సంపుటము: 3-219

తాళ్లపాక అన్నమాచార్య

రాగము: సాళంగనాట

నీవారైనవారికి నీపై భక్తేకాక భావించ నేరక వట్టిభ్రమఁ బడవలెనా	॥పల్లవి॥
కరుణానిధి నీవు గలిగివుండఁగాను తిరుమంత్రమే నాకు దిక్కయివుండఁగా వరుస నాచార్యుఁడు వహించుక వుండఁగాను పరగఁ దపము చేసి బడలఁగవలెనా	॥నీవా॥
కమలాక్ష నీముద్రలే కాచుక నాకుండఁగాను అమరి దాస్యము కాణాచై వుండఁగా తమితోడ వైష్ణవులు దాపుదండై వుండఁగాను తెమలి తీర్థాలెల్లా ద్రిష్టించవలెనా	॥నీవా॥
శ్రీవేంకటేశ్వర నీసేవే గతియై యుండఁగా ఆవటించి నుతి వుపాయమై వుండఁగా తావులనే శరణనే ధర్మము రక్షించఁగాను వేవేలు దానాలు చేసి వేఁడుకొనవలెనా	॥నీవా॥