ఆంధ్రభారతి - తాళ్లపాక అన్నమాచార్య కీర్తనలు - దేహము సమ్మంధము యివి దేహికిఁ బనిలేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 239-2
సంపుటము: 3-223

తాళ్లపాక అన్నమాచార్య

రాగము: మలహరి

దేహము సమ్మంధము యివి దేహికిఁ బనిలేదు వూహించ నేర్చినవారలే వోరుచుకుందురయ్యా	॥పల్లవి॥
విడువవు శీతోష్ణంబులు విడువవు సుఖదుఃఖంబులు వెడవెడ మరణభయంబులు విడిచినయందాఁకా వుడుగవు కాంక్షలు మమతలు నుద్యోగంబులు చింతలు పొడవగు విరక్తి తనలోఁ బొడమినయందాఁకా	॥దేహ॥
మానదు చిత్తవికారము మానదు దుర్గణదోషము మానదు భోగము లన్నియు మానినయందాఁకా పోనీదు సేసిన దురితము పోనీదు వ్రాఁతఫలంబును పూనిన తన యజ్ఞానము పోయినయందాఁకా	॥దేహ॥
తెగవటు భవబంధంబులు తెగ వెడయని గర్వంబులు నిగిడిన యీ యీత్మజ్ఞానము నీవిచ్చినయందాఁకా జగదేకవిభుఁడ శ్రీవేంకటేశ్వర సర్వము నీయానతికొలఁదే తగులుచుండు నివి నిశ్చలముగ నీదాస్యము గలిగినయందాఁకా	॥దేహ॥