ఆంధ్రభారతి - తాళ్లపాక అన్నమాచార్య కీర్తనలు - చూడవే గోవింద సోద్యము లిన్నియు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 239-3
సంపుటము: 3-224

తాళ్లపాక అన్నమాచార్య

రాగము: దేవగాంధారి

చూడవే గోవింద సోద్యము లిన్నియు యేడాఁ గర్తవు యిన్నిట నాకు	॥పల్లవి॥
చీరినఁ దునుఁగక చేసిన దురితము నారవలెనే కడు నారటిలీ కారుకొని తలఁపు కలఁకగుణంబుల వారక పెనునదివలెఁ బారీని	॥చూడ॥
యెఱ్ఱఁగాఁ గ్రూరత్వ మెప్పుడుఁ గొలిమిలో కఱ్ఱువలెనే కడుఁగాఁగీని వొఱ్ఱియై ప్రకృతి వొరసి వేఁటలో యిఱ్ఱివలెనే యెలయించీని	॥చూడ॥
వీడక నీమూర్తి వెంటవెంటనే తోడునీడయై తొరలీని యీడనే శ్రీవేంకటేశ నీ మహిమ వాడని వనములవలెఁ జిగిరించీని	॥చూడ॥