ఆంధ్రభారతి - తాళ్లపాక అన్నమాచార్య కీర్తనలు - శరణు నేఁ జొచ్చినది సరి నీవు మన్నించేది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 244-3
సంపుటము: 3-250

తాళ్లపాక అన్నమాచార్య

రాగము: బౌళి

శరణు నేఁ జొచ్చినది సరి నీవు మన్నించేది యిరవైన గురుతుగా కిందుఁ గూడపెట్టేవా	॥పల్లవి॥
యెంగిలినోరు వెట్టుక యే మాటలాడినాను సంగతిగా నవి నేఁడు సత్యమయ్యీనా అంగనల మోహము నాయంతరంగానఁ బెట్టుక ముంగిటి‌ ఆచారాలు ముఖ్యమయ్యీనా	॥శర॥
ఆసలు మెడఁగట్టుక అన్ని యుఁ జదివినాను దోసములెల్లా మాని దొరనయ్యేనా రోసాలు మదిఁబెట్టుక రోఁతమేను గడిగితే వేసాలయ్యే తోఁచుఁగాక వేరే పుణ్యమున్నదా	॥శర॥
ఘనసంసారము మోచి కర్మమెంత సేసినాను తను దా జన్మించినట్టి తప్పు దీరీనా యెనలేక శ్రీవేంకటేశ నన్ను నేలితివి తనిసితి నిఁక నేను తమకించేనా	॥శర॥