ఆంధ్రభారతి - తాళ్లపాక అన్నమాచార్య కీర్తనలు - హరియే యెరుఁగును అందరి బ్రతుకులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 245-2
సంపుటము: 3-255

తాళ్లపాక అన్నమాచార్య

రాగము: సామంతం

హరియే యెరుఁగును అందరి బ్రతుకులు యిరవై యీతని యెరుఁగుటే మేలు	॥పల్లవి॥
వెనకటి బ్రహ్మలు వేవేల సంఖ్యలు యెనసి బ్రహ్మాండము లేలిరట పెనగొని వారల పేరులు మరచిరి మనుజకీటముల మరెవ్వఁ డెరుఁగు	॥హరి॥
ఆసఁ దొల్లి మును లనంతకోట్లు చేసిరి తపములు సేనలుగా యే సిరులందిరి యెరఁగ రెవ్వరును వేసపు నరులకు విధి యేదో	॥హరి॥
కల వనేకములు కర్మమార్గములు పలుదేవత లిటు పాటించిరి బలిమి శ్రీవేంకటపతికి మొర ఇడి వెలసిరి తుదనిదే వెరవిందరికి	॥హరి॥