ఆంధ్రభారతి - తాళ్లపాక అన్నమాచార్య కీర్తనలు - కమ్మరను జీవునికిని ఇది కారణ మేమియు లేదట - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 245-4
సంపుటము: 3-257

తాళ్లపాక అన్నమాచార్య

రాగము: బౌళి

కమ్మరను జీవునికిని ఇది కారణ మేమియు లేదట ఇమ్ముల రాజూ నెరఁగని వెట్టెట యెవ్వరికెక్కును నారాయణా	॥పల్లవి॥
యిలలో జీవుని విషయభోగమున నెందునుఁ బొరయనివాఁడవట చలమా యేల పుట్టించితివీ సంసారవారిధిని కలకాలము నీగర్భగోళమునఁ గాఁపురముండఁగ నిటు చేసి ఫలమేమి గట్టుకొంటివి భావము దెలుపవే నారాయణా	॥కమ్మ॥
నడపెడి యీ జగములన్నియును నటనలు నీవట తొలుతనే యెడయక యిందే వినోదించెదవు యెడ్డతనంబా నీకేమి జడియక నీవే సేసిన చేఁతలు సర్వమును నిలుపఁగవలదా కడుగఁగనేఁటికి నెంగిలిబూరెట కడవేయనేల (?) నారాయణా	॥కమ్మ॥
పరగిన యీ కర్మమార్గములు బంధహేతువని చెప్పితివి యిరవుగను వేదమార్గములు నేలా కాచుక తిరిగెదవు గరిమల శ్రీవేంకటేశ్వర యిచ్చాకల్పితములు యిన్నియు నీకు హరినెరిగించితివిఁక నీచిత్తము సర్వేశ్వర వో నారాయణా	॥కమ్మ॥