ఆంధ్రభారతి - తాళ్లపాక అన్నమాచార్య కీర్తనలు - ఇందరు నెఱుఁగుదు రీయర్థమే భువి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 246-2
సంపుటము: 3-261

తాళ్లపాక అన్నమాచార్య

రాగము: లలిత

ఇందరు నెఱుఁగుదు రీయర్థమే భువి కందువఁ దగులుట కర్మము కొలఁది	॥పల్లవి॥
ఆదికి ననాది హరిదాస్యంబిది వేదాంతంబుల వెలసినది సోదించి కనిరి శుకనారదాదులు పాదుగఁ నిఁకఁ దమ భాగ్యముకొలఁది	॥ఇంద॥
అతిరహస్యమిది అచ్యుతుపై భక్తి ప్రతిలేని పరమపావనము చతురులై తెలిసిరి సనకాది మునులు తతి దొరకుట సుకృతఫలము కొలఁది	॥ఇంద॥
పరము శ్రీవేంకటపతి సంకీర్తన సొరిది గురుఁడొసఁగు సూక్ష్మమిది చిరపుణ్యులు మును చేకొన్న నిజమిది మరిగి మనుట తమ మనసుల కొలఁది	॥ఇంద॥