ఆంధ్రభారతి - తాళ్లపాక అన్నమాచార్య కీర్తనలు - ఎన్నికై శ్రీవేంకటేశుఁ డితడు గలుగఁగానె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 246-3
సంపుటము: 3-262

తాళ్లపాక అన్నమాచార్య

రాగము: హిందోళవసంతం

ఎన్నికై శ్రీవేంకటేశుఁ డితడు గలుగఁగానె అన్నిటా నందరిలోని‌ అజ్ఞానాలుఁ బాసెను	॥పల్లవి॥
సకలశాస్త్రములందు సందేహమే కాని వొకరు దైవమహిమ కొడఁబడరు అకటా బాస చేసినయందుకైనా నమ్మరు వికలచిత్తులెల్లాను విష్ణుదాస్యమునకు	॥ఎన్ని॥
గక్కనఁ గర్మము చేసి కడు నలయుటే కాని వొక్కమాటు హరిఁ బాడ నొడఁబడరు తక్కక పెద్దలుగాఁగ తల వణఁకుటే కాని పుక్కటికాండ్లు హరిఁ బూజించనేరరు	॥ఎన్ని॥
చిత్తములో వివేకించి చింతఁ బొరలుటే కాని వొత్తి హరిపై భార మొప్పగించరు హత్తిన శ్రీవేంకటేశుఁ డటె దయ దలఁచఁగా మత్తిలి ప్రపన్నులెల్లా మరేమిటాఁ దప్పరు	॥ఎన్ని॥