ఆంధ్రభారతి - తాళ్లపాక అన్నమాచార్య కీర్తనలు - వానివాని సహజము వద్దననేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 246-4
సంపుటము: 3-263

తాళ్లపాక అన్నమాచార్య

రాగము: దేసాళం

వానివాని సహజము వద్దననేల యీ నేటి ప్రపంచ మది యేమి సేయఁగలదు	॥పల్లవి॥
హరి పుట్టించినయట్టి ఆయాప్రకృతులను విరసాలఁ దిప్పెమంటే వేరొకటౌనా పరమజ్ఞాన మొక్కటే పాటించితేఁ జాలు యెరవుల పుణ్య పాపాలేమి సేయఁగలవు	॥వాని॥
బలువుగ విష్ణు మాయఁ బ్రబలే సంసారమును చలమున దిద్దఁబోతేఁ జక్కనౌనా తెలివితో హరిభ క్తి తెగక వుండితేఁ జాలు యిలపైఁ బంచేంద్రియములేమి సేయఁగలవు	॥వాని॥
శ్రీవేంకటేశుఁ డాత్మఁ జేకొని వుండినది భావించకున్న నాతఁడు బడివాసీనా సావధానాన నీతని శరణనుకొంటేఁ జాలు యే విధులు భవములునేమి సేయఁగలవు	॥వాని॥