ఆంధ్రభారతి - తాళ్లపాక అన్నమాచార్య కీర్తనలు - నారాయణుఁడే సర్వనాయకుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 246-5
సంపుటము: 3-264

తాళ్లపాక అన్నమాచార్య

రాగము: రామక్రియ

నారాయణుఁడే సర్వనాయకుఁడు వేరే దురాశలు వెదకఁ జోటేదయ్యా	॥పల్లవి॥
ఆకస మొకపాదము అట్టె భూమొక పాదము పైకొని యొకపాదము పాతాళము యేకమైనాఁ డేడనున్నా యిందులో వారే జీవులు ఆకడఁ బరులఁ గొల్చేమనఁ జోటేదయ్యా	॥నారా॥
కడుపులో జగములు కాయ మిన్నిటాధారము యెడగలచోటనెల్లా యీతని మాయే కడుఁబోరా దీతఁడే కారణ మందరికి తడవి మరుపాయాలఁ దగులఁ జోటేదయ్యా	॥నారా॥
చేతన్య మీతనిది సృష్టి యీతనిఘటన ఆతుమ శ్రీవేంకటేశుఁ డంతర్యామి రాతిరిఁబగలుఁ దానే రక్షకుఁడు మనలకు పోతరించి ఇఁక మెచ్చి పొగడఁ జోటేదయ్యా	॥నారా॥