ఆంధ్రభారతి - తాళ్లపాక అన్నమాచార్య కీర్తనలు - పరమాత్ముని నోరఁబాడుచును యిరు- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 21-6
సంపుటము: 1-130

తాళ్లపాక అన్నమాచార్య

రాగము: కేదారగౌళ

పరమాత్ముని నోరఁబాడుచును యిరు- దరులు గూడఁగఁ దోసి దంచీ మాయ	॥పరమాత్ము॥
కొలఁది బ్రహ్మాండపు కుందెనలోన కులికి జీవులను కొలుచు నించి కలికి దుర్మోహపు రోఁకలి వేసి తలఁచి తనువులను దంచీ మాయ	॥పరమాత్ము॥
తొంగలి రెప్పలు రాత్రులుఁ బగలును సంగడి కనుఁగవ సరిఁ దిప్పుచు చెంగలించి వెసఁ జేతులు విసరుచు దంగుడు బియ్యముగా దంచీ మాయ	॥పరమాత్ము॥
అనయముఁ దిరువేంకటాధీశ్వరుని పనుపడి తనలోఁ బాడుచును వొనరి ^[1]విన్నాణి జీవులనెడి బియ్యము తనర నాతనికియ్య దంచీ మాయ	॥పరమాత్ము॥

^[1] ‘బిన్నాణి’ రేకు.