ఆంధ్రభారతి - తాళ్లపాక అన్నమాచార్య కీర్తనలు - సులభపు మార్గములు చుట్టిరానే వుండఁగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 249-2
సంపుటము: 3-279

తాళ్లపాక అన్నమాచార్య

రాగము: ముఖారి

సులభపు మార్గములు చుట్టిరానే వుండఁగాను బలు ప్రయాసపు కర్మబద్ధులైరి జీవులు	॥పల్లవి॥
శ్రీపతిభక్తియనేటి చింతామణి వుండఁగాను యేపున మోసపొయ్యేరు యేలో జీవులు చేపట్టి నామాంకితపు సిద్ధరసము గలిగి కోపుల నుడిగి పనిగొనరేలో జీవులు	॥సుల॥
అక్కడనే శరణాగతనే వోడ వుండఁగాను యెక్కి భవవార్ధి దాఁటరేలో జీవులు తక్కక దాస్యమనేటి ధనము దమకుండఁగా లెక్కించి కూడపెట్టుకోలేరు యేలో జీవులు	॥సుల॥
అటె శ్రీవేంకటేశుఁ డంతరాత్మై వుండఁగాను పట్టి కొలువరేలో పైపై జీవులు పట్టపు హరిదాసులు ప్రత్యక్షమై వుండఁగాను యిట్టే వారికృప చేరుటెన్నఁడో యీజీవులు	॥సుల॥