ఆంధ్రభారతి - తాళ్లపాక అన్నమాచార్య కీర్తనలు - మమ్ముఁ జూడ నేమున్నది మావంక నీకే లాభము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 250-3
సంపుటము: 3-286

తాళ్లపాక అన్నమాచార్య

రాగము: బౌళి

మమ్ముఁ జూడ నేమున్నది మావంక నీకే లాభము కమ్ముక దయదలఁచి కరుణింతుఁ గాక	॥పల్లవి॥
శ్రీకాంతుఁడ నీపాదసేవకులయినవారు పాకశాసనాదులను బ్రహ్మాదులు పైకొని నరుఁడ నేను బంటఁగాఁగ నెంతవాఁడ కైకొని నీపుణ్యానకుఁ గాచుటింతే కాక	॥మమ్ముఁ॥
నారాయణుఁడ నిన్ను నమ్మినట్టి దాసులు నారదాది సనకసనందనాదులు వీరిలో నేనెంతవాఁడ వికటపుజీవుఁడను యీరీతి నీమూఁకఁ గూడ నేలుటింతే కాక	॥మమ్ముఁ॥
శ్రీవేంకటేశ నీపైచేరి భక్తిసేసేవారు కావించి యనంతముఖ్య గరుడాదులు దేవ నేనొక్క నీచుఁడ దీనరక్షకుఁడవు నీ- వీవిధమెంచుక మమ్ము నీడేరింతుఁ గాక	॥మమ్ముఁ॥