ఆంధ్రభారతి - తాళ్లపాక అన్నమాచార్య కీర్తనలు - ఇతరము లేదిఁక నెంచి చూచితేఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 250-6
సంపుటము: 3-289

తాళ్లపాక అన్నమాచార్య

రాగము: శంకరాభరణం

ఇతరము లేదిఁక నెంచి చూచితేఁ బ్రతివచ్చు నితఁడు ప్రత్యక్షమై	॥పల్లవి॥
సకలలోకములు చర్చించి వెదకిన వొకఁడేపో పురుషోత్తముఁడు ప్రకటము బహురూపములయి నాతఁడు అకుటిలమహిమల యనంతుఁడే	॥ఇత॥
పర్విన జీవుల భావించి చూచిన సర్వాంతరాత్ముఁడు సర్వేశుఁడే వుర్విని వెలుపలనుండిన యాతఁడు నిర్వహించె నీ నీరజాక్షుఁడే	॥ఇత॥
చన్నకాలమున మన్నకాలమున నున్నవాఁడు యీవు పేంద్రుఁడే కన్నులెదుట నిఁకఁ గల కాలంబును అన్నిటా శ్రీవేంకటాధీశుఁడే	॥ఇత॥