ఆంధ్రభారతి - తాళ్లపాక అన్నమాచార్య కీర్తనలు - హేయము తన వాసనలేల మానును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 251-1
సంపుటము: 3-290

తాళ్లపాక అన్నమాచార్య

రాగము: ముఖారి

హేయము తన వాసనలేల మానును చీ యన్న మానదిదే చెప్పరాని మాయ	॥పల్లవి॥
జంగిలిమనుజునకు సరుఁస బాపమే చవి అంగవించవలదంటే నగ్గలమౌను ముంగిట నిల్లాలుండఁగ ముట్టగోరుఁ బరస్త్రీల యెంగిలి కీరెండు సరే యిదివో మాయ	॥హేయ॥
పరగిన జీవునికి పంచేంద్రియాలే సుఖము ధర నెంత గాలమైన తనివి లేదు సిరులు దనకుండినాఁ జేయిచాఁచుఁ బరులకు యిరువు లెరఁగరాదు యిదివో మాయ	॥హేయ॥
శ్రీవేంకటేశ్వరుఁడు చేరి యాత్మలో నుండఁగ భావించు నితని కృప ఫలించునాఁడు పూవువంటి సంసారము పొదుగుక వుండఁగాను ఆవటించుఁ బుణ్యఫలాలదివో మాయ	॥హేయ॥