ఆంధ్రభారతి - తాళ్లపాక అన్నమాచార్య కీర్తనలు - ఆతఁడు సేసే చేఁత లన్యులు సేయఁగలరా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 251-2
సంపుటము: 3-291

తాళ్లపాక అన్నమాచార్య

రాగము: రామక్రియ

ఆతఁడు సేసే చేఁత లన్యులు సేయఁగలరా జాతుల మనుజులెల్లా సతమయ్యేరా	॥పల్లవి॥
దిక్కులేనివారికెల్లా దేవుఁ డొక్కఁడే దిక్కు చిక్కినవారికినెల్లా శ్రీపతే గతి తక్కిన‌ అనాథులకు దైవమే రక్షకుఁడు యెక్కడా నాతఁ డుండఁగా నేఁటి కిఁక చింత	॥ఆతఁ॥
బలిమి లేనివారికి పరమాత్ముఁడే బలిమి కలిమి చాలనివారి కలిమి హరె యిల నేరనివారికి నిందిరానాథుఁడే నేర్పు వెలసీతనికే విన్నవించుటింతే కాక	॥ఆతఁ॥
పొందులేనివారికెల్లాఁ బురుషోత్తముఁడే పొందు విందును వేడుకయు శ్రీవేంకటేశుఁడే యెందరెందరుండినాను యీతఁడు గలఁడు మాకు సందడి నాతఁడే అన్ని చక్కఁబెట్టీఁ బనులు	॥ఆతఁ॥