ఆంధ్రభారతి - తాళ్లపాక అన్నమాచార్య కీర్తనలు - బయ లీఁదించీ నదివో ప్రాణులను హరిమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 251-4
సంపుటము: 3-293

తాళ్లపాక అన్నమాచార్య

రాగము: వరాళి

బయ లీఁదించీ నదివో ప్రాణులను హరిమాయ క్రియ దెలుసుకొనేటి కీలింతే కాని	॥పల్లవి॥
పెక్కుపరుషులలోన బెరశొకసతి యుంటే యిక్కువై యందే నాఁటు నిందరిచూపు దక్కి యందరి కాఁగిళ్ల తరుణి యుండుట లేదు గక్కన వట్టియాసలఁ గరఁగుటే కాని	॥బయ॥
చింతకాయ కజ్జాయము చేరి యిసుమంతవుంటే అంతటనే నోరూరు నందరికిని పొంతనే నాలుకలకు పులుసై యుండుటే లేదు కొంత భావించి మింగేటి గుటుకలే కాని	॥బయ॥
శ్రీవేంకటేశుతేరు దీసేటి మనుజులెల్లాను సేవగా నేమే తీసితిమందురు ఆవల నాతఁడే తమ‌ అంతరాత్మయైయుండి కావించుట యెరఁగరు గర్వములే కాని	॥బయ॥