ఆంధ్రభారతి - తాళ్లపాక అన్నమాచార్య కీర్తనలు - ఎందుకుఁ బనిగొందము యేమి సేతమివి యెల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 252-2
సంపుటము: 3-297

తాళ్లపాక అన్నమాచార్య

రాగము: ధన్నాసి

ఎందుకుఁ బనిగొందము యేమి సేతమివి యెల్లా చెందిన మాకిఁక బుద్ధి చెప్పవే నారాయణా	॥పల్లవి॥
హరినామ మొకటనే అణఁగెఁ బాపములు వొరసి యన్నినామము లూరకున్నవి సిరులిచ్చెఁ గలవెల్లా శ్రీపతినామ మొకటే పెరనామములెల్లా పెట్టెలలో నున్నవి	॥ఎందు॥
గోవిందనామ మొకటే కూడపోసెఁ బుణ్యములు వేవేలు నామములకు వెలలున్నవా శ్రీవిష్ణునామ మొకటే చేతికిచ్చె వైకుంఠము తావైయున్న నామములు తమకించీ నీవికి	॥ఎందు॥
ఇత్తల కేశవునామ మియ్యఁగలవెల్లా నిచ్చె పొత్తుల నామములెల్లాఁ బొంచుకున్నవి చిత్తమున నిన్నుఁ జూపె శ్రీవేంకటేశ నామమే హత్తిన నామములెల్లా నందులోనే వున్నవి	॥ఎందు॥