ఆంధ్రభారతి - తాళ్లపాక అన్నమాచార్య కీర్తనలు - ఏల వెట్టిసేయించే విందున నీకేమివచ్చె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 255-1
సంపుటము: 3-314

తాళ్లపాక అన్నమాచార్య

రాగము: లలిత

ఏల వెట్టిసేయించే విందున నీకేమివచ్చె కాలముఁ గర్మముచేతఁ గప్పేవు లోకులను	॥పల్లవి॥
బద్దుల మాటలాడి భ్రమయించి రేపల్లెలో ముద్దులు చూప వెన్నలు ముచ్చిలినట్టు కొద్దిమాలిన కర్మము కొంత మాకు గడియించి వద్ద నిన్నుఁ గానివాని(?) వలె దాఁగవలెనా	॥ఏల॥
మఱి పాండవులకు నెమ్మది వావులటు చెప్పి మొఱఁగి యిందరిలోన మొక్కినయట్టు కుఱకుఱ దైవాలఁ గొందరను గడియించి యెఱిఁగి నెఱఁగనట్టే యేమి సేసేవయ్యా	॥ఏల॥
వరమడుగఁగఁ బోయి వడి ఘంటాకర్ణునికి యిరవుగ మోక్షవరమిచ్చినయట్టు తిరమై శ్రీవేంకటాద్రిఁ దిరువారాధన గొని వరుస నీదాసులకు వరమిచ్చేవయ్యా	॥ఏల॥