ఆంధ్రభారతి - తాళ్లపాక అన్నమాచార్య కీర్తనలు - తగు మునులు‌ ఋషులు తపములు సేయఁగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 255-2
సంపుటము: 3-315

తాళ్లపాక అన్నమాచార్య

రాగము: ధన్నాసి

తగు మునులు‌ ఋషులు తపములు సేయఁగ గగనము మోచియుఁ గర్మము దెగదా	॥పల్లవి॥
ధరణీధర మందరధర నగధర చిరకౌస్తుభధర శ్రీధరా కరిఁగాచితి కాకముఁ గాచితి నీ- కరుణకుఁ బాత్రము గలదిదియా	॥తగు॥
భవహర మురహర భక్తపాపహర భువనభారహర పురహరా కవిసిన వురుతను గద్దను మెచ్చితి- వివల నీదయకు నివియా గురుతు	॥తగు॥
శ్రీవేంకటపతి శేషగరుడపతి భూవనితాపతి భూతపతి గోవుల నేలితి కోఁతుల నేలితి పావనపుఁ గృపకుఁ బాత్రము లివియా	॥తగు॥