ఆంధ్రభారతి - తాళ్లపాక అన్నమాచార్య కీర్తనలు - ఇంకనైన హరిఁ జేరు యింతే చాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 258-1
సంపుటము: 3-331

తాళ్లపాక అన్నమాచార్య

రాగము: సామంతం

ఇంకనైన హరిఁ జేరు యింతే చాలు సంకెలెల్లాఁ బెడఁబాపి చక్కఁజేసీ నతఁడే	॥పల్లవి॥
యెఱఁగక పుట్టితివి యిన్నియోనులందుఁ దొల్లి తఱినాఁటి కాయఁబోయ దానికేమి నెఱి నఱకములో నాని తివియుఁ గొన్నాళ్ళు తఱవాయి దెలుసుకో దానికేమి	॥ఇంక॥
పాపపుణ్యములుసేసి పరులఁగొలిచి తొల్లి తాపములఁ బొందితివి దానికేమి వూపసంసారము నమ్మి పుంగుఁడై యిన్నాళ్ళదాఁకా దాపులేక బ్రతికితి దానికేమి	॥ఇంక॥
జగములో వారిఁ జూచి సారెసారె నాసలనే దగదొట్టె నీకుఁ దొల్లి దానికేమి జిగి శ్రీవేంకటపతి చిత్తములో నున్నవాఁడు తగవెంచుకో జీవుఁడ దానికేమి	॥ఇంక॥