ఆంధ్రభారతి - తాళ్లపాక అన్నమాచార్య కీర్తనలు - గోవిందాది నామోచ్చారణ కొల్లలు దొరకెను మనకిపుడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 258-2
సంపుటము: 3-332

తాళ్లపాక అన్నమాచార్య

రాగము: ముఖారి

గోవిందాది నామోచ్చారణ కొల్లలు దొరకెను మనకిపుడు ఆవల నీవల నోరఁ గుమ్మలుగ నాడుద మీతనిఁ బాడుదము	॥పల్లవి॥
సత్యము సత్యము సకలసురలలో నిత్యుఁడు శ్రీహరి నిర్మలుఁడు ప్రత్యక్షమిదే ప్రాణుల లోపల అత్యంతము శరణనరో యితని	॥గోవిం॥
చాటెడి చాటెడి సకలవేదములు పాటించిన హరి పరమమని కూటఁస్థుఁ డితఁడు గోపవధూపతి కోటికి యీతనిఁ గొలువరో జనులు	॥గోవిం॥
నిలుచున్నాఁ డిదె నేఁడును నెదుటను కలిగిన శ్రీవేంకటవిభుఁడు వలసినవారికి వరదుఁ డీతఁడు కలఁడు గలఁ డితనిఁ గని మనరో	॥గోవిం॥