ఆంధ్రభారతి - తాళ్లపాక అన్నమాచార్య కీర్తనలు - ఒక్కఁ డెవ్వఁడో వుర్వికి దైవము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 258-3
సంపుటము: 3-333

తాళ్లపాక అన్నమాచార్య

రాగము: దేసాక్షి

ఒక్కఁ డెవ్వఁడో వుర్వికి దైవము యెక్కువ నాతని నెరఁగవో మనసా	॥పల్లవి॥
వొట్టిన జీవుల కొక బ్రహ్మ గలఁడు పట్టిన విప్రులు బ్రహ్మలమందురు నట్టనడుమవారే నవబ్రహ్మలు జట్టిగ బ్రహ్మల సంతాయ జగము	॥ఒక్కఁ॥
కైలాసంబునఁ గలఁ డొక రుద్రుఁడు తాలిమి నేకాదశరుద్రులు మరి కాలరుద్రుఁడును కడపట నదివో చాలిన రుద్రుల సంతాయ జగము	॥ఒక్కఁ॥
అవతారంబున నలరిన విష్ణువు అవలవిష్ణుమయమనియెడి విష్ణువు భువి శ్రీవేంకటమున నున్నాఁ డిదె జవళి వరంబుల సంతాయ జగము	॥ఒక్కఁ॥