ఆంధ్రభారతి - తాళ్లపాక అన్నమాచార్య కీర్తనలు - తమ యెఱుక తమకుఁ దగినంతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 258-5
సంపుటము: 3-335

తాళ్లపాక అన్నమాచార్య

రాగము: మలహరి

తమ యెఱుక తమకుఁ దగినంతే నెమకిన మాకును నీ కృప యింతే	॥పల్లవి॥
పొఁగ నీ నాభినిఁ బుట్టిన బ్రహ్మలు యెసఁగిన నీ పూర్వ మెఱిఁగేరా వెస నీ ముఖమున వెడలిన వేదము దెల నీమహిమ తెలియఁగఁగలదా	॥తమ॥
నగుచు నీమాయల నడచే జగములు సొగసి నీ మూరితి చూపెడినా తగ నినుఁ గానఁగ తపించు మునులును పొగరుల మము నిఁక బోధించేరా	॥తమ॥
అంతేసివారల కటువలె నుండఁగ వింతజీవులకు వివేక మెట్లొకో యింతట శ్రీవేంకటేశ నీవే మము చెంతఁజేరి దయసేయఁగదే	॥తమ॥