ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు దెలిసే మెచ్చరికెపుడో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 258-6
సంపుటము: 3-336

తాళ్లపాక అన్నమాచార్య

రాగము: శంకరాభరణం

ఎన్నఁడు దెలిసే మెచ్చరికెపుడో ఇన్నియుఁ గన్నవె యెఱిఁగీ నెఱఁగ	॥పల్లవి॥
నిన్నటియాఁకలి నేఁడూ నున్నది కన్నదినంబే కడచనెను పన్ని నిదుర మాపటికి నున్నదదె యెన్నఁగ రాతిరి యెందో పోయ	॥ఎన్నఁ॥
కాయపు సుఖములు గంపల నున్నవి పాయమే కైవాలి పండెనదే యీయెడ సంసార మింటనే వున్నది చేయును నోరును చెనటై నిలిచె	॥ఎన్నఁ॥
విడువని జన్మములు వెంటనే వచ్చీ తడవేటి మోక్షము దవ్వాయ యెడపక శ్రీవేంకటేశ నీ మఱఁగు బడిఁ జొచ్చితి నా భారము నీది	॥ఎన్నఁ॥