ఆంధ్రభారతి - తాళ్లపాక అన్నమాచార్య కీర్తనలు - నాలో నున్నాఁడవు నన్నుఁ గావ(క) నీకుఁ బోదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 259-2
సంపుటము: 3-338

తాళ్లపాక అన్నమాచార్య

రాగము: లలిత

నాలో నున్నాఁడవు నన్నుఁ గావ(క) నీకుఁ బోదు యీలీలఁ బట్టుచీరెరవిచ్చిన వానివలె	॥పల్లవి॥
చుట్టుకొంటిఁ గర్మములు సొరిదిఁ బసిరికాయ నట్టనడిమి పురువునడకవలె వట్టిజాలిఁ దిరిగితి వడిఁ బంచేంద్రియముల పట్టిన నీటిలో జలభ్రమణమువలెను	॥నాలో॥
ధరలోనఁ బుట్టి పుట్టి తగ వచ్చినందే వచ్చి వరుస రాట్నపుగుండ్రవలె నైతిని అరసి నే నంటుకొంటి అంగనల పొందులను చొరఁబారి వేలుకాడే సూదిరాతివలెను	॥నాలో॥
అంతటను స్వర్గనరకాదిలోకాలు మెట్టితి బంతిగట్టి నురిపెడి పసురమునై చెంతల శ్రీవేంకటేశ చేరితి నీవద్ద నేఁడు వంతుకుఁ గామధేనువు వద్ది దూడవలెను	॥నాలో॥